Mchuzi wa maharage

Chukua kontena la ukubwa wa wastani. Weka maji, kisha roweka maharage ndani ya hilo kontena lenye maji kwa muda wa saa 24. Baada ya saa 24, mwaga maji yote yaliyomo kwenye kontena na kubakiwa na maharage peke yake.

Chukua sufuria kubwa. Weka kwenye hilo sufuria, maharage, iliki, mdalasini, binzari ya manjano, chumvi, pamoja na vikombe 5 vya maji, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka kwa muda wa dakika 30, au hadi utakapo ona maharage yameiva, kisha epua na uweke pembeni.

Chukua sufuria dogo lenye mafuta ya kupikia na siagi na uliweke kwenye jiko lenye moto wa wastani, kisha acha mafuta na siagi vipate moto. Weka kwenye hilo sufuria, binzari nyembamba, tangawizi, pamoja na vitunguu swaumu, kosha kaanga huku ukikoroga mara kwa mara kwa muda wa sekunde kadhaa.

Weka nyanya pamoja na majani ya giligilani, kisha pika mchanganyiko huo huku ukikoroga mara kwa mara kwa muda wa dakika 8 mpaka 10, au hadi utakapo ona mchuzi umekuwa mzito.

Mimina mtindi taratibu huku ukikoroga. Weka mbegu za giligilani, majani ya uwatu, pamoja na garam masala, kisha pika mchanganyiko huo huku ukikoroga mara kwa mara kwa muda wa dakika 1. Epua mchanganyiko huu na umimine kwenye sufuria lenye maharage.

Weka sufuria hilo lenye maharage kwenye jiko lenye moto mdogo, kisha chemsha huku ukikoroga mara kwa mara kwa muda wa dakika 15 mpaka 20, kisha epua na upakue kwenye chombo safi, tayari kwa kula.