Pilau ya nazi

Weka kikaango kwenye jiko lenye moto wa wastani. Weka ndani ya hicho kikaango, nazi iliyokunwa na uzikaange bila mafuta kwa lengo za kuzikausha, kwa muda wa dakika 1 mpaka 2, kisha epua na uweke pembeni.

Weka sufuria la ukubwa wa wastani lenye mafuta ya kupikia, kwenye jiko lenye moto wa wastani, kisha acha mafuta yapate moto. Weka ndani ya hilo sufuria, mdalasini, karafuu pamoja na iliki, kisha kaanga kwa muda wa dakika 1. Weka vitunguu maji na ukaange kwa muda wa dakika 5, au hadi utakapo ona virunguu maji vimeiva.

Weka mchele na ukoroge vizuri. Weka tui la nazi, maji, pamoja na chumvi halafu koroga tena vizuri, kisha weka moto mkubwa na acha ichemke. Maji yakianza kuchemka, punguza moto na uweke moto wa wastani, kisha funika na acha ichemke kwa muda wa dakika 12 mpaka 15, au hadi utakapo ona maji yote yaliyomo kwenye mchele yamekauka na wali umeiva. Hakikisha hugeuzi wali wakati unaupika.

Zima jiko, kisha epua wali na uweke pembeni. Acha wali utulie kwa muda wa dakika 5, kisha weka nazi iliyokunwa uliyo ikaanga, pamoja, giligilani na garam masala na ukoroge vizuri, kisha pakua kwenye chombo safi, tayari kwa kula.