![Keki ya karoti | Jarida la Mapishi](https://www.jaridalamapishi.co.tz/wp-content/uploads/2023/04/keki_ya_karoti.jpg)
-
MaandaliziDakika 50
-
KupikaDakika 40
-
Walaji16
Keki ya karoti, ni keki tamu inayopikwa kwa kutumia karoti zilizokunwa, unga wa ngano, viungo, nanasi, vanilla extract, jozi, pamoja na nazi iliyokunwa. Keki hii yafaa kuliwa kwenye sherehe hasa katika sherehe ya pasaka. Fuata hatua zifuatazo, ili ujifunze jinsi ya kupika keki hii ya karoti.
Ingredients
Directions
Chukua bakuli kubwa. Weka ndani ya hilo bakuli, unga wa ngano, baking soda, baking powder, mdalasini, tangawizi, karafuu pamoja na chumvi, kisha changanya vizuri.
Chukua bakuli nyingine ndogo. Weka ndani ya hiyo bakuli, sukari, dark brown sugar, mafuta ya kupikia, mayai, na vanilla extract, halafu changanya vizuri.
Chukua mchanganyiko wa bakuli ndogo ya pili, na umimine kwenye mchanganyiko wa bakuli la kwanza. Weka karoti, nanasi, jozi (walnuts), pamoja na nazi, kwenye hilo bakuli la kwanza, kisha changanya vizuri kwa kutumia, mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.
Chukua sufuria la kuoka keki (cake pan) lenye ukubwa wa nchi 9, na upake siagi. Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka keki.
Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka keki ndani ya hilo jiko, na uoke kwa muda wa dakika 35 mpaka 40, au hadi utakapo ona keki imeiva na kuwa na rangi ya kahawia.
Keki ikisha iva, iondoe kwenye jiko la kuoka, kisha iweke pembeni ili ipoe, ikiwa bado ndani ya sufuria la kuoka keki. Keki ikishapoa, unaweza kuitoa ndani ya sufuria la kuoka keki, na kuikata kwa ajili ya kula.
Leave a Review