-
Maandalizi-
-
KupikaDakika 15
-
Walaji4
Supu ya spinachi, ni supu tamu, yenye virutubisho vingi na rahisi kupika, ambayo hupikwa kwa kutumia mboga ya spinachi, kitunguu maji, majani ya minti, mtindi, maziwa, pamoja na viungo. Waweza kula supu hii pamoja na chakula cha mchana, au kama starter ya chakula cha jioni. Fuata hatua zifuatazo, ili ujifunze jinsi ya kupika supu hii ya spinachi.
Ingredients
Directions
Chukua sufuria kubwa. Weka kwenye hilo sufuria, spinachi, majani ya giligilani, majani ya minti, vitunguu maji, tangawizi, vitunguu swaumu, pamoja na maji, kisha weka ichemke kwenye jiko lenye moto mkubwa.
Ukiona imeanza kuchemka, punguza moto na uweke moto wa wastani, halafu funika sufuria na uache iendelee kuchemka kwa muda wa dakika 10, au hadi utakapo ona vitunguu maji vimeiva, kisha epua na uweke pembeni ipoe.
Chukua mashine ya kusaga (blender). Weka kwenye hiyo mashine ya kusaga, mchanganyiko wa spinachi ulio uchemsha, kisha saga hadi utakapo ona mchanganyiko huo umesagika vizuri na kuwa laini.
Chukua sufuria jingine kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka unga wa ngano kwenye hilo sufuria, kisha kaanga huku ukikoroga mara kwa mara kwa muda wa dakika 1, au hadi utakapo ona imebadilika rangi na kuwa na rangi ya kahawia.
Mimina maziwa huku ukikoroga. Weka mchanganyiko wa spinachi ulio usaga, pamoja na garam masala, halafu koroga vizuri, kisha epua na umimine kwenye kontena.
Mimina mtindi ndani ya hilo kontena lenye supu, kisha koroga vizuri, tayari kwa kula.
Conclusion
Kabla ya kutumia mtindi huo, hakikisha unaupiga piga vizuri ukiwa kwenye bakuli kwa kutumia kijiko kama unavyo yapiga piga mayai unapotaka kuyakaanga, hadi utakapo ona mtindi umekuwa laini na hauna mabonge mabonge.
Leave a Review