Keki ya lozi

Chukua bakuli kubwa. Weka ndani ya hilo bakuli, siagi, asali, pamoja na sukari, kisha changanya vizuri.

Weka mayai, halafu endelea kuchanganya.

Weka unga wa ngano, lozi zilizo sagwa, baking powder, chumvi, mdalasini pamoja na lozi mbichi zilizo katwa katwa, kisha changanya vizuri kwa kutumia, mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Chukua sufuria la kuoka keki (cake pan) lenye ukubwa wa nchi 9, na upake siagi. Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka keki.

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka keki ndani ya hilo jiko, na uoke kwa muda wa dakika 40, au hadi utakapo ona keki imeiva na kuwa na rangi ya kahawia.

Keki ikisha iva, iondoe kwenye jiko la kuoka, kisha iweke pembeni ili ipoe, ikiwa bado ndani ya sufuria la kuoka keki. Keki ikishapoa, unaweza kuitoa ndani ya sufuria la kuoka keki, na kuikata kwa ajili ya kula.