Ice cream ya mchaichai na nazi

Chukua sufuria ndogo. Weka kwenye hilo sufuria, tui la nazi, double cream, pamoja na majani ya mchaichai, kisha chemsha kwenye jiko lenye moto wa wastani huku ukikoroga mara kwa mara kwa muda wa dakika 10.

Weka sukari pamoja na powderered sugar, kisha endelea kukoroga hadi utakapo ona sukari yote imeyeyuka. Epua mchanganyiko huo na uweke pembeni ili upoe.

Chukua limao 1 na ukune (grate) maganda yake yote, kisha weka maganda hayo kwenye sufuria lenye mchanganyiko wa tui la nazi.

Chukua limao ulilokuna maganda yake pamoja na malimao mengine yaliyobakia. Kamua vizuri malimao hayo na umimine juisi yake kwenye sufuria lenye mchanganyiko wa tui la nazi, kisha koroga vizuri.

Chukua kontena kubwa. Weka ndani ya hilo kontena mchanganyiko uliomo kwenye sufuria, kisha funika vizuri kontena hilo na uliweke kwenye friji kwa muda wa saa 1.

Baada ya saa 1, ondoa kontena hilo kwenye friji, kisha chuja mchanganyiko huo kwa kutumia chujio. Mimina mchanganyiko huo wa ice cream kwenye mashine ya kutengenezea ice cream (Ice Cream Maker Cooler), kisha washa mashine hiyo kwa muda wa dakika 40, au hadi utakapo ona ice cream imekuwa nzito na laini.

Ondoa ice cream hiyo kutoka kwenye mashine ya kutengeneza ice cream, kisha pakua kwenye bakuli safi, tayari kwa kula.