Ice cream ya minti na chocolate

Chukua sufuria kubwa. Weka ndani ya hilo sufuria maziwa, majani ya minti, pamoja na dark chocolate chips kisha chemsha mchanganyiko huo kwenye jiko lenye moto wa wastani huku ukikoroga mara kwa mara. Ukiona maziwa yameanza kuchemka, epua na uweke pembeni ili yapoe.

Chukua chujio na uchuje maziwa ili kuondoa majani ya minti yaliyomo kwenye maziwa na kubakiwa na maziwa peke yake.

Chukua bakuli ndogo. Weka ndani ya hilo bakuli viini vya mayai pamoja na sukari, kisha piga piga, mchanganyiko huo hadi utakapo ona umechanganyika vizuri na kuwa laini. Mimina mmchanyiko huu kwenye bakuli lenye maziwa halafu koroga vizuri.

Chukua sufuria kubwa. Weka maji ya moto kwenye hilo sufuria. Weka mchanganyiko wa maziwa ulio uchemsha ndani ya hilo sufuria lenye maji ya moto, kisha changanya kwa kupiga piga mchanganyiko huo kwa muda wa dakika 10.

Chukua kontena kubwa. Weka ndani ya hilo kontena mchanganyiko wa maziwa ulio upiga piga, kisha funika vizuri kontena hilo na uliweke kwenye friji kwa muda wa saa 3.

Baada ya saa 3, ondoa kontena hilo kwenye friji, kisha mimina mchanganyiko huo wa ice cream kwenye mashine ya kutengenezea ice cream (Ice Cream Maker Cooler). Washa mashine hiyo kwa muda wa dakika 40, au hadi utakapo ona ice cream imekuwa nzito na laini.

Ondoa ice cream hiyo kutoka kwenye mashine ya kutengeneza ice cream, kisha pakua kwenye bakuli safi, tayari kwa kula.