Muffins za blueberry na shayiri

Muffins za blueberry na shayiri, ni muffins tamu ambazo hupikwa kwa kutumia matunda halisi ya blueberry pamoja na shayiri. Muffins hizi zafaa zaidi kuliwa na watoto kama kifungua kinywa wakati wa asubuhi, au kama kitafunio cha kawaida. Fuata hatua zifuatazo, ili ujifunze jinsi ya kupika muffins hizi za bkueberry na shayiri.

Directions

Step1

Chukua bakuli kubwa. Weka ndani ya hilo bakuli, unga wa ngano, unga wa shayiri, baking powder, baking soda, chumvi, pamoja na sukari, kisha changanya vizuri.

Step2

Weka mayai, buttermilk, mafuya ya kupikia, pamoja na matunda ya blueberry, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20, au hadi utakapo ona muffins zimeiva na kuwa na rangi ya kahawia.

Step5

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.