Mchuzi wa mayai

Chukua sufuria la ukubwa wa wastani. Weka kwenye hilo sufuria, mayai pamoja na maji kiasi, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto wa wastani, kisha funika sufuria na uache iendelee kuchemka kwa muda wa dakika 10 mpaka 12. Epua mayai hayo na uyaweke pembeni ili yapoe.

Menya maganda ya mayai hayo, kisha yakate katikati.

Chukua mashine ya kusaga (blender). Weka kwenye hiyo mashine ya kusaga, nazi iliyokunwa, vitunguu swaumu, mbegu za giligilani, mbegu za haradali, binzari nyembamba, binzari ya manjano, pamoja na star anise, kisha saga hadi utakapo ona mchanganyiko huo umesagika vizuri na kuwa laini.

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka vitunguu maji kwenye hilo sufuria, kisha kaanga huku ukikoroga mara kwa mara kwa muda wa dakika 5, au hadi utakapo ona vimeiva.

Weka mchanganyiko wa nazi ulio usaga, kisha kaanga huku ukikoroga mara kwa mara kwa muda wa dakika 5.

Weka vikombe 3 maji, Tamarind Paste, pamoja na chumvi, halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka kwa muda wa dakika 15.

Ongeza moto na uweke moto wa wastani. Weka ½ kikombe cha tui la nazi halafu koroga vizuri, kisha acha ichemke.

Chukua kontena dogo. Weka ndani ya hilo kontena, vijiko 2 vya chakula vya tui la nazi pamoja na mayai 2 ambayo hukuyachemsha, kisha piga piga vizuri mchanganyiko huo. Mimina mchanganyiko huu kwenye sufuria lenye mchuzi, kisha acha ichemke huku ukikoroga kwa muda wa dakika 2.

Weka mayai uliyo yachemsha halafu acha iendelee kuchemka kwa muda wa dakika 5 zaidi, kisha epua na upakue kwenye chombo safi, tayari kwa kula.