Wali wa binzari ya manjano

- 0 / 5

- Vyakula
520 Watazamaji

Wali wa binzari ya manjano | Jarida la Mapishi

Maandalizi

Dakika 30
Kupika

Dakika 15
Walaji

4

Wali wa binzari ya manjano (Wali wa manjano), ni chakula rahisi kupika, ambacho hupikwa kwa kutumia mchele pamoja na viungo mbalimbali kama vile binzari ya manjano. Wali huu wafaa kula pamoja na mboga, kuku wa kuchoma, au mishikaki. Fuata hatua zifuatazo, ili ujifunze jinsi ya kupika wali huu wa binzari ya manjano.

Ingredients

¼ kijiko cha chai cha binzari ya manjano

½ kijiko cha chai cha chumvi

1 kijiko cha chai cha pilipili manga ya unga

1¼ vikombe vya mchele

2⅓ vikombe vya maji

¼ kijiko cha chai cha iliki ya unga

Directions

Step1

Chukua kontena la ukubwa wa wastani. Weka maji, kisha roweka mchele ndani ya hilo kontena lenye maji kwa muda wa dakika 30.

Step2

Chukua sufuria la ukubwa wa wastani. Weka kwenye hilo sufuria, mchele, maji uliyotumia kurowekea mchele, binzari ya manjano, chumvi, pilipili manga, pamoja na iliki, halafu koroga vizuri, kisha weka ichemke kwenye jiko lenye moto mkubwa.

Step3

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka taratibu kwa muda wa dakika 10 mpaka 15, au hadi utakapo ona wali umeiva na maji yote kwenye sufuria yamekauka. Hakikisha hukorogi kabisa wali wakati unaupika.

Step4

Zima jiko, kisha acha wali utulie kwa muda wa dakika 5, ukiwa bado juu ya jiko. Baada ya dakika 5, pakua wali kwenye chombo safi, tayari kwa kula.