Achari ya minti, nazi na ukwaju

Chukua kikaango kidogo na ukiweke kwenye jiko lenye moto wa wastani, kisha acha kikaango kipate moto. Weka mbegu za binzari nyembamba kwenye hicho kikaango, halafu kaanga bila kutumia mafuta huku ukikoroga na kutikisa kikaango mara kwa mara kwa muda wa dakika 1, kisha epua na uweke pembeni ili ipoe.

Chukua kinu. Weka ndani ya hicho kinu mbegu za binzari nyembamba ulizo zikaanga, kisha twanga hadi utakapo ona mbegu hizo zimesagika vizuri.

Chukua mashine ya kusaga (blender). Weka kwenye hiyo mashine ya kusaga, nazi, tangawizi, pamoja na vitunguu swaumu, kisha saga hadi utakapo ona mchanganyiko huo umesagika vyema.

Weka majani ya giligilani, majani ya minti, Tamarind Paste, pamoja na chumvi, kisha saga hadi utakapo ona mchanganyiko huo wote umesagika vizuri na kuwa laini. Ondoa mchanganyiko huo kwenye mashine ya kusaga na uweke pembeni kwenye kontena.

Weka binzari nyembamba uliyo ikaanga ndani ya hilo kontena, kisha changanya vizuri.

Weka achari hiyo kwenye chombo safi chenye mfuniko, kisha hifadhi kwenye friji.