Supu ya mboga

Chukua sufuria kubwa. Weka kwenye hilo sufuria, kiazisukari chekundu, viazi mviringo, tanipu, karoti, vitunguu maji, nyanya, tangawizi, majani ya giligilani, pamoja na vikombe 3 vya maji, halafu funika sufuria, kisha weka ichemke kwenye jiko lenye moto mkubwa kwa muda wa dakika 1.

Punguza moto na uweke moto wa wastani, halafu acha iendelee kuchemka kwa muda wa dakika 12 mpaka 15, kisha epua na uweke pembeni ili ipoe.

Chukua mashine ya kusaga (blender). Weka mchanganyiko ulio uchemsha kwenye hiyo mashine ya kusaga, kisha saga hadi utakapo ona mchanganyiko huo umesagika vizuri na kuwa laini. Ondoa mchanganyiko huo kwenye mashine ya kusaga na urudishe kwenye sufuria ulilolitumia kuchemshia.

Weka kikombe 1 cha maji yaliyobaki kwenye hilo sufuria, kisha koroga vizuri.

Rudisha sufuria hilo kwenye jiko lenye moto mkubwa. Weka chumvi, pilipili manga, pamoja na limao, halafu koroga vizuri, kisha acha ichemke.

Ukiona imeanza kuchemka, punguza moto na uweke moto wa wastani, halafu acha iendelee kuchemka kwa muda wa dakika 5, kisha epua na uweke pembeni kwenye kontena.

Chukua sufuria dogo lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba, mbegu za kisibiti, pamoja na garam masala, kisha changanya vizuri. Epua mchanganyiko huu na umimine kwenye kontena lenye supu, kisha koroga vizuri, tayari kwa kula.