Mboga ya kabichi, spinachi na viazi

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua kikaango kikubwa chenye vijiko 2 vya chakula vya mafuta ya kupikia na ukiweke kwenye jiko lenye moto wa wastani, kisha acha mafuta yapate moto. Weka kwenye hicho kikaango, binzari nyembamba, mbegu za giligilani, mbegu za uwatu, binzari ya manjano, kabichi, spinachi, majani ya giligilani, pamoja na chumvi, kisha kaanga huku ukikoroga mara kwa mara kwa muda wa dakika 5, au hadi utakapo ona vimebadilika rangi na kuwa na rangi ya kahawia. Ondoa mchanganyiko huo kwenye kikaango na uweke pembeni kwenye kontena.

Weka kwenye kikaango hicho hicho, viazi mviringo pamoja na kijiko 1 cha chakula cha mafuta ya kupikia kilichobaki, kisha kaanga huku ukikoroga mara kwa mara kwa muda wa dakika 2.

Weka nyanya, kisha pika mchanganyiko huo huku ukikoroga mara kwa mara kwa muda wa dakika 2, au hadi utakapo ona nyanya zimekuwa laini. Epua mchanganyiko huu na umimine kwenye kontena lenye mchanganyiko wa kabichi.

Nyunyizia Chaat Masala, kisha changanya vizuri, tayari kwa kula.