Biringanya zenye utamu na uchachu

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, mdalasini, binzari nyembamba, pamoja na vitunguu maji, kisha kaanga huku ukikoroga mara kwa mara kwa muda wa dakika 5 mpaka 7, au hadi utakapo ona vitunguu vimeiva.

Weka vitunguu swaumu halafu kaanga huku ukikoroga mara kwa mara kwa muda wa sekunde 30, kisha epua na uweke pembeni kwenye kontena.

Weka biringanya kwenye sufuria hilo hilo, halafu weka moto mkubwa, kisha acha zipate moto.

Ukiona zimepata moto, punguza moto na uweke moto wa wastani, halafu funika sufuria, kisha pika biringanya hizo huku ukikoroga mara kwa mara kwa muda wa dakika 8 mpaka 10, au hadi utakapo ona biringanya zimeanza kuiva.

Weka mchanganyiko wa vitunguu maji ulio ukaanga, mbegu za giligilani, pamoja na chumvi, kisha pika mchanganyiko huo huku ukikoroga mara kwa mara kwa muda wa dakika 8 mpaka 10, au hadi utakapo ona biringanya zimeiva na kuwa laini.

Weka Tamarind Paste pamoja na sukari, kisha pika mchanganyiko huo huku ukikoroga mara kwa mara kwa muda wa dakika 1.

Weka majani ya giligilani, kisha pika mchanganyiko huo huku ukikoroga mara kwa mara kwa muda wa dakika 2 mpaka 3.

Nyunyizia garam masala halafu koroga vizuri, kisha epua na upakue kwenye chombo safi, tayari kwa kula.