Biringanya zenye vitunguu swaumu, ni mboga tamu ambayo hupikwa kwa kutumia biringanya, vitunguu maji, nyanya, pamoja na viungo vya aina mbalimbali kama vile vitunguu swaumu. Mboga hii yafaa kula pamoja na chapati au wali. Fuata hatua zifuatazo, ili ujifunze jinsi ya kupika biringanya hizi zenye vitunguu swaumu.

Directions

Step1

Chukua kontena. Weka biringanya ndani ya hilo kontena, halafu funika vizuri kontena hilo, kisha liweke kwenye jiko la microwave na upike katika moto mkubwa kwa muda wa dakika 4, au hadi utakapo ona biringanga zimeiva. Ondoa kontena hilo kwenye jiko la microwave na uliweke pembeni.

Step2

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba, pilipili manga, vitunguu maji, pamoja na vitunguu swaumu, kisha kaanga huku ukikoroga mara kwa mara kwa muda wa dakika 3 mpaka 5, au hadi utakapo ona vitunguu vimebadilika rangi na kuwa na rangi ya kahawia.

Step3

Weka nyanya, mbegu za giligilani, binzari ya manjano, pamoja na chumvi, kisha pika mchanganyiko huo huku ukikoroga mara kwa mara kwa muda wa dakika 1.

Step4

Weka biringanya pamoja na majani ya giligilani, kisha pika mchanganyiko huo huku ukikoroga mara kwa mara kwa muda wa dakika 5 mpaka 7, au hadi utakapo ona biringanya zimekuwa laini.

Step5

Nyunyizia garam masala halafu koroga vizuri, kisha epua na upakue kwenye chombo safi, tayari kwa kula.