Ice cream ya machungwa

Chukua machungwa 4 na uyakate katikati kisha kamua juisi yake yote. Chukua chungwa moja lililobaki na ukune maganda yake (grate).

Chukua sufuria ndogo. Weka ndani ya hiyo sufuria, maganda ya machungwa uliyo yakuna, ⅔ kikombe cha maziwa, pamoja na sukari, kisha chemsha huku ukikoroga hadi utakapo ona sukari yote imeyeyuka. Epua mchanganyiko huo wa maziwa, kisha chukua chujio na uchuje mchanganyiko huo.

Chukua bakuli ndogo. Weka ndani ya hiyo bakuli viini vya mayai pamoja na double cream, kisha changanya vizuri mchanganyiko huo kwa kuupiga piga. Mimina mchanganyiko huu kwenye sufuria lenye mchanganyiko wa maziwa.

Weka maziwa yaliyobaki ambayo huku yachemsha, halafu changanya tena vizuri kwa kuupiga piga mchanganyiko huo, kisha acha upoe.

Ukiona mchanganyiko huo umepoa, weka juisi ya machungwa uliyo ikamua, kisha changanya tena kwa kuupiga piga mchanganyiko huo, hadi utakapo ona umechanganyika vizuri na kuwa laini.

Mimina mchanganyiko huo wa ice cream kwenye mashine ya kutengenezea ice cream (Ice Cream Maker Cooler). Washa mashine hiyo kwa muda wa dakika 40, au hadi utakapo ona ice cream imekuwa nzito na laini.

Ondoa ice cream hiyo kutoka kwenye mashine ya kutengeneza ice cream, kisha pakua kwenye bakuli safi, tayari kwa kula.