Kahawa ya viungo

- 0 / 5

- Vinywaji
460 Watazamaji

Maandalizi

-
Kupika

Dakika 10
Walaji

2

Kahawa ya viungo, ni kinywaji ambacho hupikwa kwa kuchemsha kahawa pamoja viungo vya aina mbalimbali kama vile, iliki, mdalasini na karafuu. Kahawa hii yafaa kunywa pamoja na kitafunio chochote ukipendacho hasa katika kipindi cha msimu wa sikukuu. Fuata hatua zifuatazo, ili ujifunze jinsi ya kutengeneza kahawa hii ya viungo.

Ingredients

½ kijiko cha chai cha mdalasini wa unga

1 punje ya iliki

1 kikombe cha maji

1½ vikombe vya maziwa

2 vijiko vya chai vya kahawa

4 punje za karafuu

Directions

Step1

Chukua sufuria. Weka kwenye hilo sufuria, maji, mdalasini, karafuu, pamoja na iliki, kisha weka ichemke kwenye jiko lenye moto mkubwa.

Step2

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka, hadi utakapo ona maji yamebadilika rangi na kuwa na rangi ya kahawia.

Step3

Weka kahawa, halafu koroga vizuri, kisha weka moto mkubwa na uache ichemke.

Step4

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka kwa muda wa dakika 1, kisha epua na uweke pembeni ipoe.

Step5

Mimina kahawa kwenye chombo safi, kisha iweke kwenye friji kwa muda wa saa 2 mpaka siku 2.

Step6

Chukua vikombe 2 pamoja na chujio. Chuja kahawa ndani ya hivyo vikombe. Mimina maziwa, kisha koroga vizuri, tayari kwa kunywa.