Keki ya siagi

- 5 / 5

- Vitindamlo
322 Watazamaji

Maandalizi

Dakika 30
Kupika

Dakika 30
Walaji

8

Keki ya siagi, ni keki tamu ambayo asili yake ni kutoka nchini Marekani. Keki hii hupikwa kwa kutumia unga wa ngano, siagi, mayai pamoja na sukari. Keki hii yafaa sana kuliwa kama kitindamlo. Fuata hatua zifuatazo, ili ujifunze jinsi ya kupika keki hii ya siagi.

Ingredients

½ kikombe cha siagi

¾ kikombe cha sukari

1 kijiko cha chai cha vanilla extract

2 mayai

1 kikombe cha unga wa ngano

1 kijiko cha chai cha baking powder

¼ kijiko cha chai cha chumvi

½ kikombe cha maziwa

Directions

Step1

Chukua bakuli kubwa. Weka ndani ya hilo bakuli, siagi, sukari, pamoja na vanilla extract, kisha changanya vizuri.

Step2

Weka mayai, halafu endelea kuchanganya.

Step3

Weka unga wa ngano, baking powder, chumvi, pamoja na maziwa, kisha changanya vizuri kwa kutumia, mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step4

Chukua sufuria la kuoka keki (cake pan) lenye ukubwa wa nchi 9, na upake siagi. Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka keki.

Step5

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka keki ndani ya hilo jiko, na uoke kwa muda wa dakika 30, au hadi utakapo ona keki imeiva na kuwa na rangi ya kahawia.

Step6

Keki ikisha iva, iondoe kwenye jiko la kuoka, kisha iweke pembeni ili ipoe, ikiwa bado ndani ya sufuria la kuoka keki. Keki ikishapoa, unaweza kuitoa ndani ya sufuria la kuoka keki, na kuikata kwa ajili ya kula.