Kuku wa uwatu

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka vitunguu maji kwenye hilo sufuria, kisha kaanga huku ukikoroga mara kwa mara kwa muda wa dakika 10, au hadi utakapo ona vimeiva.

Ongeza moto na uweke moto mkubwa. Weka tangawizi, vitunguu swaumu, vipande vya nyama ya kuku, chumvi, pilipili manga pamoja na binzari ya manjano, kisha kaanga huku ukikoroga mara kwa mara kwa muda wa dakika 3 mpaka 5.

Punguza moto na uweke moto wa wastani, kisha endelea kukaanga huku ukikoroga mara kwa mara kwa muda wa dakika 15, au hadi utakapo ona vipande vya nyama ya kuku vimebadilika rangi na kuwa na rangi ya kahawia.

Weka majani ya uwatu, halafu kaanga huku ukikoroga mara kwa mara kwa muda wa dakika 20, au hadi utakapo ona vipande vya nyama ya kuku vimeiva, kisha epua na upakue kwenye chombo safi, tayari kwa kula.