Mchuzi wa kamba

Chukua mashine ya kusaga (blender). Weka kwenye hiyo mashine ya kusaga, vitunguu swaumu, tangawizi, majani ya mvuje, binzari nyembamba, mbegu za haradali, garam masala, chumvi, sukari, binzari ya manjano, pamoja na white vinegar, kisha saga hadi utakapo ona mchanganyiko huo umesagika vizuri na kuwa laini. Ondoa mchanganyiko huo kwenye mashine ya kusaga na uweke pembeni kwenye kontena.

Weka nyanya kwenye hiyo hiyo mashine ya kusaga, kisha saga hadi utakapo ona nyanya hizo zimesagika vizuri na kuwa laini.

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, mdalasini pamoja na majani ya mbei, kisha kaanga huku ukikoroga mara kwa mara kwa muda wa sekunde 30.

Weka vitunguu maji, kisha kaanga huku ukikoroga mara kwa mara kwa muda wa dakika 7, au hadi utakapo ona vitunguu vimeiva.

Punguza moto na uweke moto mdogo. Weka mchanganyiko wa viungo uliomo kwenye kontena, kisha kaanga huku ukikoroga mara kwa mara kwa muda wa dakika 10, au hadi utakapo ona mchanganyiko huo umebadilika rangi na kuwa na rangi ya kahawia.

Weka nyanya ulizo zisaga, kisha pika mchanganyiko huo huku ukikoroga mara kwa mara kwa muda wa dakika 10, au hadi utakapo ona mchuzi umekuwa mzito.

Weka kamba, kisha pika mchanganyiko huo huku ukikoroga mara kwa mara kwa muda wa dakika 5, au hadi utakapo ona kamba wamebadilika rangi na kuwa na rangi ya pinki.

Weka majani ya giligilani, kisha endelea kupika mchanganyiko huo huku ukikoroga mara kwa mara kwa muda wa dakika 2 zaidi, kisha epua na upakue kwenye chombo safi, tayari kwa kula.