Mchuzi wa nyama ya kusaga na adesi

Chukua kontena la ukubwa wa wastani. Weka maji, kisha roweka adesi ndani ya hilo kontena lenye maji kwa muda wa saa 1. Baada ya saa 1, mwaga maji yote yaliyomo kwenye kontena na kubakiwa na adesi peke yake.

Chukua kontena dogo. Weka ndani ya hilo kontena, mbegu za giligilani, garam masala, Tamarind Powder, binzari ya manjano, chumvi, pamoja na ½ kikombe cha maji, kisha changanya hadi utakapo ona mchanganyiko huo umechanganyika vizuri na kuwa laini.

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba, mbegu za haradali, mbegu za uwatu, pamoja na vitunguu maji, kisha kaanga huku ukikoroga mara kwa mara kwa muda wa dakika 2, au hadi utakapo ona vitunguu vimeiva.

Weka nazi, tangawizi, vitunguu swaumu, pamoja na majani ya mvuje, kisha kaanga huku ukikoroga mara kwa mara kwa muda wa dakika 5, au hadi utakapo ona mchanganyiko huo umebadilika rangi na kuwa na rangi ya kahawia.

Weka mchanganyiko wa viungo uliomo kwenye kontena dogo, nyama ya kusaga, pamoja na adesi, kisha pika mchanganyiko huo huku ukikoroga mara kwa mara kwa muda wa dakika 10, au hadi utakapo ona nyama imebadilika rangi na kuwa na rangi ya kahawia.

Weka maji halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto wa wastani, kisha funika sufuria na uache iendelee kuchemka kwa muda wa dakika 10, au hadi utakapo ona adesi zimeiva na mchuzi umekuwa mzito.

Weka tui la nazi pamoja na majani ya giligilani halafu koroga vizuri, kisha acha iendelee kuchemka kwa muda wa dakika 5 zaidi. Epua na upakue kwenye chombo safi, tayari kwa kula.