Directions

Step1

Chukua kontena dogo. Weka ndani ya hilo kontena, mtindi pamoja na zafarani, kisha changanya vizuri.

Step2

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, mdalasini, pilipili manga, iliki, majani ya mbei, karafuu, pamoja na binzari nyembamba, kisha kaanga huku ukikoroga mara kwa mara kwa muda wa dakika 2.

Step3

Weka vitunguu maji, kisha kaanga huku ukikoroga mara kwa mara kwa muda wa dakika 10 mpaka 12, au hadi utakapo ona vitunguu vimeiva.

Step4

Weka tangawizi, vitunguu swaumu, vipande vya nyama ya mbuzi, mbegu za giligilani, pamoja na chumvi, kisha kaanga huku ukikoroga mara kwa mara kwa muda wa dakika 10, au hadi utakapo ona vipande hivyo vimebadilika rangi na kuwa na rangi ya kahawia.

Step5

Mimina maji halafu koroga vizuri, kisha weka moto mkubwa na uache ichemke kwa muda wa dakika 5.

Step6

Punguza moto na uweke moto mdogo, kisha funika sufuria na uache iendelee kuchemka huku ukikoroga mara kwa mara kwa muda wa dakika 40, au hadi utakapo ona nyama imeiva.

Step7

Weka garam masala na ukoroge vizuri, halafu acha iendelee kuchemka kwa muda wa dakika 5 zaidi, kisha epua na uweke pembeni.

Step8

Weka mchanganyiko wa mtindi na zafarani, pamoja na majani ya giligilani, kisha koroga vizuri, tayari kwa kula.

Conclusion

Kabla ya kutumia mtindi huo, hakikisha unaupiga piga vizuri ukiwa kwenye bakuli kwa kutumia kijiko kama unavyo yapiga piga mayai unapotaka kuyakaanga, hadi utakapo ona mtindi umekuwa laini na hauna mabonge mabonge.