- 0 / 5

- Mboga
10 Watazamaji

Maandalizi

-
Kupika

Dakika 15
Walaji

4

Mchuzi wa nyanya, ni mboga tamu iliyo sheheni ladha ya uchachu, ambayo hupikwa kwa kutumia nyanya zilizoiva, vitunguu maji, pamoja na viungo vya aina mbalimbali. Mboga hii yafaa kula pamoja na wali, mkate au chapati. Fuata hatua zifuatazo, ili ujifunze jinsi ya kupika mchuzi huu wa nyanya.

Ingredients

½ kikombe cha majani ya giligilani yaliyo katwa katwa

½ kijiko cha chai cha chumvi

1 kijiko cha chakula cha tangawizi iliyo twangwa

1 kitunguu maji kilicho katwa katwa

1 kijiko cha chakula cha mbegu za giligilani za unga

1 kijiko cha chai cha binzari nyembamba ya unga

2 vijiko vya chakula vya mafuta ya kupikia

3¾ vikombe vya nyanya zilizo katwa katwa

Pilipili manga kadiri ya mahitaji yako

Directions

Step1

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, tangawizi pamoja na vitunguu maji, kisha kaanga huku ukikoroga mara kwa mara kwa muda wa dakika 5, au hadi utakapo ona vimebadilika rangi na kuwa na rangi ya kahawia.

Step2

Weka binzari nyembamba pamoja na mbegu za giligilani, kisha koroga vizuri.

Step3

Weka nyanya pamoja na chumvi, kisha pika mchanganyiko huo huku ukikoroga mara kwa mara kwa muda wa dakika 5, au hadi utakapo ona nyanya zimekuwa rojo.

Step4

Weka majani ya giligilani, kisha pika mchanganyiko huo huku ukikoroga mara kwa mara kwa muda wa dakika 2.

Step5

Weka pilipili manga halafu koroga vizuri, kisha epua na upakue kwenye chombo safi, tayari kwa kula.