Mchuzi wa viazi mviringo

Chukua sufuria kubwa. Weka kwenye hilo sufuria viazi mviringo, chumvi kiasi, pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Nyunyizia binzari ya manjano, kisha changanya vizuri.

Chukua sufuria kubwa lenye kijiko 1 cha chakula cha mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka viazi mviringo kwenye hilo sufuria, kisha kaanga huku ukikoroga mara kwa mara kwa muda wa dakika 3 mpaka 5, au hadi utakapo ona vimebadilika rangi na kuwa na rangi ya kahawia. Ondoa viazi hivyo kwenye sufuria na uviweke pembeni kwenye chombo safi.

Weka vijiko 2 vya chakula vya mafuta ya kupikia vilivyobaki, kisha acha mafuta yapate moto.

Weka mdalasini pamoja na iliki, kisha kaanga huku ukikoroga mara kwa mara kwa muda wa sekunde kadhaa.

Weka mbegu za giligilani, binzari nyembamba, mbegu za uwatu, pamoja na tangawizi, kisha kaanga huku ukikoroga mara kwa mara kwa muda wa dakika 1.

Weka viazi ulivyo vikaanga pamoja na ½ kijiko cha chai cha chumvi, kisha kaanga huku ukikoroga mara kwa mara kwa muda wa dakika 2.

Mimina mtindi taratibu huku ukikoroga.

Mimina vikombe 2 vya maji halafu koroga vizuri, kisha funika sufuria na uache ichemke kwa muda wa dakika 5 mpaka 7, au hadi utakapo ona viazi vimeiva na kuwa laini.

Weka majani ya giligilani halafu koroga vizuri, kisha epua na upakue kwenye chombo safi, tayari kwa kula.