Muffins za machungwa na lozi

Chukua sufuria ndogo. Weka ndani ya hilo sufuria maji ya kutosha pamoja na machungwa, kisha chemsha machungwa hayo kwa muda wa dakika 30, au hadi utakapo ona machungwa yamelainika. Epua na uweke pembeni ili yapoe.

Mwaga maji yote yaliyomo kwenye sufuria na kubakiwa na machungwa peke yake. Kata kata machungwa hayo katika vipande vidogo vidogo, kisha ondoa kokwa zote.

Chukua mashine ya kusaga (blender). Weka machungwa kwenye hiyo mashine ya kusaga, kisha saga bila kuweka maji, hadi utakapo ona machungwa hayo yamesagika vyema na kuwa laini.

Chukua bakuli kubwa. Weka ndani ya hilo bakuli, mayai pamoja na sukari, kisha changanya vizuri.

Weka machungwa, unga wa lozi, baking powder, pamoja na chumvi, kisha changanya vizuri kwa kutumia, mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20 mpaka 25, au hadi utakapo ona muffins zimeiva na kuwa na rangi ya kahawia.

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.