Muffins za machungwa na mpopi

- 0 / 5

- Vitindamlo
111 Watazamaji

Muffins za machungwa na mpopi | Jarida la Mapishi

Maandalizi

Saa 1 Dk. 5
Kupika

Dakika 25
Walaji

12

Muffins za machungwa na mpopi, ni muffins tamu zilizo sheheni ladha ya machungwa. Muffins hizi ni rahisi sana kupika na zafaa sana kula kama kifungua kinywa wakati wa asubuhi, au kama kitafunio cha kawaida. Fuata hatua zifuatazo, ili ujifunze jinsi ya kupika muffins hizi za machungwa na mpopi.

Ingredients

1 chungwa

½ kikombe cha mafuta ya nazi

3 mayai

1 kijiko cha chai cha vanilla extract

1 kikombe cha unga wa ngano

½ kikombe cha unga wa ngano ambao hauja kobolewa

1½ vijiko vya chai vya baking powder

½ kijiko cha chai cha chumvi

2 vijiko vya chakula vya mbegu za mpopi

Directions

Step1

Chukua sufuria ndogo. Weka ndani ya hiyo sufuria maji pamoja na chungwa, halafu chemsha kwenye jiko lenye moto mkubwa, hadi utakapo ona chungwa limekuwa laini, kisha epua na uweke pembeni ili ipoe.

Step2

Chukua mashine ya kusaga (blender). Weka kwenye hiyo mashine ya kusaga, chungwa ulilo lichemsha, mafuta ya nazi, mayai, pamoja na vanilla extract, kisha saga hadi utakapo ona mchanganyiko huo umesagika vizuri na kuwa laini.

Step3

Chukua bakuli kubwa. Weka ndani ya hilo bakuli mchanganyiko ulio usaga.

Step4

Weka unga wa ngano, unga wa ngano ambao hauja kobolewa, chumvi, baking powder, pamoja na mbegu za mpopi, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step5

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Step6

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20 mpaka 25, au hadi utakapo ona muffins zimeiva na kuwa na rangi ya kahawia.

Step7

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.