Muffins za nanasi na tangawizi

Muffins za nanasi na tangawizi, ni muffins tamu zenye ladha na harufu nzuri ya mchanganyiko wa tunda la nanasi pamoja na tangawizi. Muffins hizi zafaa kula kama kifungua kinywa wakati wa asubuhi katika msimu wa baridi. Fuata hatua zifuatazo, ili ujifunze jinsi ya kupika muffins hizi za nanasi na tangawizi.

Directions

Step1

Chukua bakuli kubwa. Weka ndani ya hilo bakuli, mafuta ya kupikia pamoja na sukari, kisha changanya vizuri.

Step2

Weka mayai na maziwa, halafu endelea kuchanganya.

Step3

Weka unga wa ngano, nazi iliyo kunwa, chumvi, baking powder, tangawizi, mdalasini, pamoja na nanasi, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step4

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Step5

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 15 mpaka 20, au hadi utakapo ona muffins zimeiva na kuwa na rangi ya kahawia.

Step6

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.