Muffins za pichi

Chukua bakuli kubwa. Weka ndani ya hilo bakuli, unga wa ngano, unga wa ngano ambao hauja kobolewa, chumvi, mbegu za chia, pamoja na baking soda, kisha changanya vizuri.

Chukua bakuli nyingine ndogo. Weka ndani ya hiyo bakuli, mafuta ya kupikia, sukari na mayai, kisha changanya vizuri. Mimina mtindi, halafu endelea kuchanganya.

Chukua mchanganyiko wa bakuli ndogo ya pili, na umimine kwenye mchanganyiko wa bakuli la kwanza. Weka matunda ya pichi kwenye hilo bakuli la kwanza, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20 mpaka 25, au hadi utakapo ona muffins zimeiva na kuwa na rangi ya kahawia.

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.