Pilau ya uwatu

- 0 / 5

- Vyakula
351 Watazamaji

Maandalizi

-
Kupika

Dakika 45
Walaji

4

Pilau ya uwatu, ni chakula kitamu na rahisi kupika, ambacho hupikwa kwa kutumia mchele, viazi mviringo, majani ya uwatu, pamoja na viungo vya aina mbalimbali. Chakula hiki chafaa kula pamoja na kinywaji cha mtindi. Fuata hatua zifuatazo, ili ujifunze jinsi ya kupika pilau hii ya uwatu.

Bofya HAPA ili kujifunza jinsi ya kupika pilau ya binzari nyembamba, ambayo utaitumia katika kupika pilau hii ya uwatu.

Ingredients

¼ kijiko cha chai cha garam masala

¼ kijiko cha chai cha binzari ya manjano

½ kijiko cha chai cha chumvi

1 kiazi mviringo kikubwa

2 vijiko vya chakula vya mafuta ya kupikia

4 vikombe vya majani mabichi ya uwatu yaliyo katwa katwa

4 vikombe vya pilau ya binzari nyembamba

Directions

Step1

Chukua sufuria kubwa. Weka kwenye hilo sufuria kiazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona kimeiva.

Step2

Epua na umwage maji yote yaliyomo kwenye sufuria na kubakiwa na kiazi peke yake, kisha acha kipoe.

Step3

Menya maganda ya kiazi hicho, kisha kikate katika vipande vidogo vidogo.

Step4

Chukua kikaango kikubwa chenye mafuta ya kupikia na ukiweke kwenye jiko lenye moto wa wastani, kisha acha mafuta yapate moto. Weka majani ya uwatu kwenye hicho kikaango, kisha kaanga huku ukikoroga mara kwa mara kwa muda wa dakika 5.

Step5

Weka viazi mviringo, binzari ya manjano, pamoja na chumvi, kisha kaanga huku ukikoroga mara kwa mara kwa muda wa dakika 20. Epua mchanganyiko huu na umimine kwenye chombo chenye pilau ya binzari nyembamba.

Step6

Nyunyizia garam masala, kisha changanya vizuri, tayari kwa kula.