Directions

Step1

Chukua kontena la ukubwa wa wastani. Weka vikombe 2 vya maji, kisha roweka kunde ndani ya hilo kontena lenye maji kwa muda wa saa 24.

Step2

Chukua sufuria la ukubwa wa wastani. Weka kwenye hilo sufuria, kunde, maji uliyotumia kurowekea kunde, binzari ya manjano, pamoja na chumvi, halafu koroga vizuri, kisha weka ichemke kwenye jiko lenye moto mkubwa.

Step3

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka kwa muda wa saa 1, au hadi utakapo ona maji yamekauka na kunde zimeiva, kisha epua na uweke pembeni kwenye kontena.

Step4

Weka ndani ya hilo kontena, nyanya, vitunguu vya kijani, tangawizi, majani ya minti, pamoja na limao halafu koroga vizuri, kisha acha ipoe.

Step5

Ukiona imepoa mimina mtindi, kisha koroga tena vizuri.

Step6

Chukua sufuria dogo lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba pamoja na mbegu za giligilani, kisha kaanga huku ukikoroga mara kwa mara kwa muda wa sekunde 30. Epua mchanganyiko huu na umimine kwenye kontena lenye saladi.

Step7

Nyunyizia Chaat Masala, kisha koroga vizuri, tayari kwa kula.

Conclusion

Kabla ya kutumia mtindi huo, hakikisha unaupiga piga vizuri ukiwa kwenye bakuli kwa kutumia kijiko kama unavyo yapiga piga mayai unapotaka kuyakaanga, hadi utakapo ona mtindi umekuwa laini na hauna mabonge mabonge.