- 0 / 5

- Vyakula
669 Watazamaji

Maandalizi

-
Kupika

Dakika 15
Walaji

4

Samaki wa kukaanga, ni kitoweo kitamu na rahisi kupika, ambacho hupikwa kwa kuchanganya samaki, limao, ukwaju, pamoja na viungo vya aina mbalimbali. Kitoweo hiki cha samaki wa kukaanga, chafaa kula pamoja na wali mweupe, wali wa binzari nyembamba, wali wa nazi, au wali wa ukwaju. Fuata hatua zifuatazo, ili ujifunze jinsi ya kupika kitoweo hiki cha samaki wa kukaanga.

Ingredients

¼ kijiko cha chai cha pilipili manga ya unga

½ kijiko cha chai cha garam masala

½ kijiko cha chai cha mbegu za kisibiti za unga

½ kijiko cha chai cha chumvi

1 kijiko cha chakula cha vitunguu swaumu vilivyo twangwa

1 kijiko cha chakula cha Tamarind Paste

1 kg ya minofu ya samaki iliyo katwa katika vipande vikubwa vikubwa

2 vijiko vya chakula vya limao iliyo kamuliwa

3 vijiko vya chakula vya mafuta ya kupikia

Directions

Step1

Chukua kontena kubwa. Weka ndani ya hilo kontena, vipande vya minofu ya samaki, vitunguu swaumu, pilipili manga, garam masala, mbegu za kisibiti, Tamarind Paste, pamoja na chumvi, kisha changanya vizuri hadi utakapo ona vipande vyote vya samaki vimeenea vyema viungo. Funika vizuri kontena hilo, kisha liweke kwenye friji kwa muda wa saa 1 mpaka saa 4.

Step2

Chukua kikaango kikubwa chenye vijiko 1½ vya chakula vya mafuta ya kupikia na ukiweke kwenye jiko lenye moto mkubwa, kisha acha mafuta yapate moto kwa muda wa dakika 2. Weka vipande vya minofu ya samaki kwenye hicho kikaango, kisha kaanga kwa muda wa dakika 5, au hadi utakapo ona upande wa chini wa vipande hivyo umebadilika rangi na kuwa na rangi ya kahawia.

Step3

Nyunyizia mafuta ya kupikia yaliyobaki juu ya vipande hivyo vya samaki.

Step4

Geuza upande wa pili wa vipande hivyo vya samaki, halafu kaanga kwa muda wa dakika 4, au hadi utakapo ona na upande huo wa pili, umebadilika rangi na kuwa rangi ya kahawia, kisha epua na uweke pembeni kwenye chombo safi.

Step5

Nyunyizia limao juu ya vipande hivyo vya samaki, tayari kwa kula.