Tanipu zenye binzari ya manjano, ni mboga rahisi kupika ambayo hupikwa kwa kutumia tanipu, vitunguu maji, binzari ya manjano, pamoja na viungo vingine. Mboga hii yafaa kula pamoja na chapati au nyama ya kuchoma hasa nyama ya kuku. Fuata hatua zifuatazo, ili ujifunze jinsi ya kupika tanipu hizi zenye binzari ya manjano.

Directions

Step1

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka tangawizi kwenye hilo sufuria, kisha kaanga huku ukikoroga mara kwa mara kwa muda wa dakika 1, au hadi utakapo ona imebadilika rangi na kuwa na rangi ya kahawia.

Step2

Weka binzari nyembamba pamoja na vitunguu maji, kisha kaanga huku ukikoroga mara kwa mara kwa muda wa dakika 2 mpaka 5, au hadi utakapo ona vitunguu vimeiva.

Step3

Weka tanipu, binzari ya manjano, pamoja na chumvi, kisha kaanga huku ukikoroga mara kwa mara kwa muda wa dakika 4.

Step4

Punguza moto na uweke moto mdogo. Weka sukari halafu funika sufuria, kisha pika mchanganyiko huo huku ukikoroga mara kwa mara kwa muda wa dakika 5 mpaka 7.

Step5

Weka majani ya giligilani, kisha pika mchanganyiko huo huku ukikoroga mara kwa mara kwa muda wa dakika 2.

Step6

Nyunyizia garam masala halafu koroga vizuri, kisha epua na upakue kwenye chombo safi, tayari kwa kula.