- 0 / 5

- Mboga
11 Watazamaji

Viazi vyenye binzari nyembamba | Jarida la Mapishi

Maandalizi

-
Kupika

Dakika 35
Walaji

4

Viazi vyenye binzari nyembamba, ni chakula ambacho hupikwa kwa kutumia viazi mviringo, limao, pamoja na viungo vya aina mbalimbali, kama vile binzari nyembamba. Viazi hivi vyafaa kula pamoja na wali au chapati. Fuata hatua zifuatazo, ili ujifunze jinsi ya kupika viazi hivi vyenye binzari nyembamba.

Ingredients

5 viazi mviringo vikubwa

3 vijiko vya chakula vya mafuta ya kupikia

3 vijiko vya chai vya binzari nyembamba ya unga

1½ vijiko vya chakula vya mbegu za giligilani za unga

¾ kijiko cha chai cha chumvi

2 vijiko vya chakula vya limao iliyo kamuliwa

½ kikombe cha majani ya giligilani yaliyo katwa katwa

½ kijiko cha chai cha pilipili manga ya unga

Directions

Step1

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Step2

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Step3

Menya maganda ya viazi hivyo, kisha vikate katika vipande vidogo vidogo.

Step4

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba, mbegu za giligilani, chumvi, pamoja na viazi mviringo, kisha kaanga huku ukikoroga mara kwa mara kwa muda wa dakika 10, au hadi utakapo ona viazi vimemebadilika rangi na kuwa na rangi ya kahawia.

Step5

Weka limao pamoja na majani ya giligilani, kisha pika mchanganyiko huo huku ukikoroga mara kwa mara kwa muda wa dakika 5.

Step6

Nyunyizia pilipili manga halafu koroga vizuri, kisha epua na upakue kwenye chombo safi, tayari kwa kula.