Viazi vyenye pilipili hoho, ni chakula kitamu ambacho hupikwa kwa kutumia mviringo vilivyo chemshwa, pilipili hoho, pamoja na viungo vya aina mbalimbali. Chakula hiki chafaa kula chenyewe kama kilivyo, au waweza kula pamoja na wali au chapati. Fuata hatua zifuatazo, ili ujifunze jinsi ya kupika viazi hivi vyenye pilipili hoho.

Directions

Step1

Chukua sufuria kubwa. Weka kwenye hilo sufuria viazi mviringo pamoja na maji, kisha chemsha kwenye jiko lenye moto wa wastani kwa muda wa dakika 20, au hadi utakapo ona vimeiva.

Step2

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Step3

Menya maganda ya viazi hivyo, kisha vikate katika vipande vidogo vidogo.

Step4

Chukua kikaango kikubwa chenye mafuta ya kupikia pamoja na siagi na ukiweke kwenye jiko lenye moto wa wastani, kisha acha siagi na mafuta vipate moto. Weka kwenye hicho kikaango, binzari nyembamba, pilipili manga, majani ya uwatu, mango powder, mbegu za giligilani, chumvi, pamoja na viazi mviringo, kisha kaanga huku ukivigeuza viazi mara kwa mara kwa muda wa dakika 3 mpaka 5, au hadi utakapo ona viazi vimebadilika rangi na kuwa na rangi ya kahawia.

Step5

Weka majani ya giligilani pamoja na pilipili hoho halafu funika kikaango, kisha pika mchanganyiko huo huku ukikoroga mara kwa mara kwa muda wa dakika 3 mpaka 5.

Step6

Nyunyizia garam masala halafu koroga vizuri, kisha epua na upakue kwenye chombo safi, tayari kwa kula.