Wali wa karanga

Chukua kontena dogo. Weka maji, kisha roweka choroko na dengu ndani ya hilo kontena lenye maji kwa muda wa dakika 30. Baada ya dakika 30, mwaga maji yote yaliyomo kwenye kontena na kubakiwa na choroko na dengu peke yake.

Chukua paper towel. Weka choroko na dengu juu ya hiyo paper towel ili zikauke maji.

Chukua sufuria la ukubwa wa wastani. Weka kwenye hilo sufuria, mchele, maji, binzari ya manjano, pamoja na chumvi, kisha weka ichemke kwenye jiko lenye moto mkubwa.

Ukiona imeanza kuchemka, punguza moto na uweke moto mdogo, halafu funika sufuria na uache iendelee kuchemka taratibu kwa muda wa dakika 12 mpaka 15, au hadi utakapo ona wali umeiva na maji yote kwenye sufuria yamekauka, kisha epua na uweke pembeni. Hakikisha hukorogi kabisa wali wakati unaupika.

Chukua kikaango kidogo na ukiweke kwenye jiko lenye moto wa wastani, kisha acha kikaango kipate moto. Weka karanga kwenye hicho kikaango, kisha kaanga bila kutumia mafuta huku ukikoroga na kutikisa kikaango mara kwa mara kwa muda wa dakika 2, au hadi utakapo ona zimebadilika rangi na kuwa na rangi ya kahawia. Ondoa karanga hizo kwenye kikaango na uziweke kwenye kontena.

Weka mafuta ya kupikia kwenye kikaango hicho hicho, kisha acha mafuta yapate moto. Weka choroko pamoja na dengu, kisha kaanga huku ukikoroga mara kwa mara kwa muda wa dakika 1, au hadi utakapo ona vimebadilika rangi na kuwa na rangi ya kahawia.

Weka mbegu za haradali pamoja na majani ya mvuje, kisha kaanga huku ukikoroga mara kwa mara kwa muda wa sekunde 30.

Weka karanga ulizo zikaanga, halafu kaanga huku ukikoroga mara kwa mara kwa muda wa dakika 1 zaidi, kisha epua na umimine kwenye sufuria lenye wali.

Nyunyizia limao kwenye hilo sufuria lenye wali, kisha changanya vizuri, tayari kwa kula.